O Sentido da Realidade

Iso é sen lugar a dúbidas o que lles acontece a moitos neste país chamado Galiza ou Galicia, que perderon o sentido da realidade, de ahí que estemos onde estamos.

Hoxe quedei perplexo vendo nun xornal dixital coma a retirada dun programa de Radio asemellábase a unha traxedia nacional ou catástrofe apocalíptica, e vale, a min tamén encantábame "Aberto por Reformas" e Xurxo Souto paréceme todo un doutor na materia, pero non se pode confundir o touciño ca velocidade. Imos ver, este señor ocupaba un cargo político que era Xefe de Programación da Radio Galega e en teoría a sua función era buscar os mellores programas para ese medio de comunicación público. Non vou a entrar si consiguiu coma tal xefe os mellores programas para a Radio Galega porque non o sei, pero o que sí sei é que, para tal finalidade, confeccionou para si mesmo programas a medida coma o "Aberto" ou outros nos que tamén participaba, amén doutras innumerabeis intervencions nos medios públicos. Algo así coma: a mellor opción son eu mesmo. Esto visto dende un prisma nordico- europeo podería asemellarse moitísimo a algo chamado tráfico de influencias ou, cando menos, exceso de protagonismo, pero na Galiza percibímolo coma algo normal porque así é a nosa cultura. ¿Qué sucedeu? Que houbo un cambio no governo autonómico e con él un cambio de dirección nos medios públicos. É o que teñen as radios e teles públicas que cada 4 anos cambian de consello de administración, fixense se son democráticas e fixense o importantes que son os nosos votos.

Exposto o anterior, cae de caixón que o señor Souto ten que abandoar o seu cargo porque o seu único mérito ou oposición para chegar a él foi pertencer ou simpatizar cun determinado partido político. Isto sería perfectamente entendible en calquera lugar do mundo civilizado pero claro, coma eiquí misturamos cargos, postos, locutores, bandeiras e programas coma se tratárase dunha laconada de entroido, sempre hai sectores da sociedade que se sinten ultraxados nos seus máis elementais dereitos fundamentais. Máis non é así señores, por moito que nos amolen este tipo de decisións son dunha normalidade absoluta nunha sociedade democrática avanzada e se non somos quen de recoñecer este tipo de cousas estamos destinados a vivir na marxinalidade por sempre xamais. Outro conto sería que a este señor despois de gañar a súa praza por concurso oposición o chimparan do seu programa ou cargo por defender a música e a cultura galega, ahí sí que poderíamos poñer o berro no ceo, pero non é tal.

De verdade que é incrible ver coma alguns pregúntanse cousas coma "¿Pero quen votou a estes desgraciados?"(así reza no mencionado artículo dixital). Pois témome, que moi o meu pesar, foi a maioría do pobo galego en completa e enteira liberdade, o mesmo pobo galego que no seu momento puxo o señor Souto o fronte da Radio Galega, e o mesmo poblo galego que na súa soberanía agora o releva desa carga. Se comprendéramos dunha vez por todas o por qué, o mellor a nosa sorte sería outra.

Unha agarimosa aperta ó señor Xurxo Souto, grande entre os grandes no mundo das ondas pero ao César o que é do César e non confundamos o público co privado.